Hot line: +855 (0)99 283 388
ភ្នំពេញ៖ លំនៅឋានតម្លៃសមធ្យម របស់ក្រុមហ៊ុន Worldbridge Land Cambodia ដែលមានតម្លៃចាប់ពីជាង២ម៉ឺនឡើងទៅ បានប្រកាសបើកលក់ ក្នុងពេលឆាប់ៗខាងមុខនេះ។
តាមការជូនដំណឹង របស់ក្រុមហ៊ុន Worldbridge Land Cambodia បានឲ្យដឹងថា «ក្រុមហ៊ុន នឹងប្រកាសបើកលក់ផ្ទះ របស់គម្រោង បន្ទាប់ពី រាជរដ្ឋាភិបាលសម្រេច នូវគោលនយោបាយលើកទឹកចិត្ដ សម្រាប់ការអភិវឌ្ឍ លំនៅឋានសាធារណៈ មានតម្លៃសមរម្យក្នុងពេលឆាប់ៗខាងមុខនេះ ។
ក្រុមហ៊ុន Worldbridge Land Cambodia បានបញ្ជាក់ថា ដើម្បីឲ្យក្រុមហ៊ុន និងស្ថាប័នពាក់ព័ន្ធ អាចធ្វើការវាយតម្លៃ ជ្រើសរើសអតិថិជន តាមគោលដៅគោរពតាមលក្ខ័ណ្ឌ ប្រកបដោយភាពត្រឹមត្រូវច្បាស់លាស់ អតិថិជនដែលបានចុះឈ្មោះទិញលំនៅឋាន រៀបចំឯកសារយោងឲ្យបានត្រឹមត្រូវ និងយកទៅប្រគល់ជូនក្រុមហ៊ុនឲ្យបានមុនថ្ងៃទី០៩ ខែកញ្ញា ឆ្នាំ ២០១៧ នេះ ។
ក្រុមហ៊ុន Worldbridge Land Cambodia បានឲ្យដឹងទៀតថា បច្ចុប្បន្នក្រុមហ៊ុនកំពុងដំណើរការចាក់ដី និងរៀបចំការដ្ឋានសាងសង់ ហើយគ្រោងនឹងចាប់ផ្ដើមដំណើរការ សាងសង់នៅមុនបំណាច់ឆ្នាំ ២០១៧នេះ ។
ព័ត៌មានការិយាល័យសម្រាប់ទិញ និងកក់ តាមរយៈទូរស័ព្ទលេខ៖ ០៧០ ៩០៥ ៣៣៣/០៧០ ៩០៦ ៣៣៣ និង០៧០ ៩០៧ ៣៣៣៕