លំនៅឋានតម្លៃសមរម្យបែបខុនដូ ស្ថិតនៅកណ្តាលទីក្រុង ដែលបានបោះទុនប្រមាណ ៧០លានដុល្លារអាមេរិក ដែលក្នុង១Unit មានតម្លៃចាប់ពី២ ទៅ៣ម៉ឺនដុល្លារប៉ុណ្ណោះ បានប្រកាសបើកការដ្ឋាន សាងសង់នៅព្រឹកមិញនេះ ក្រោមអធិបតីភាពឯឧត្តមជា សុផារ៉ា ។
ឯកឧត្តមបានមានប្រសាសន៍នៅក្នុងកម្មវិធីថា គម្រោង Arakawa Residence គឺជាគម្រោងផ្ទះតម្លែទាបទី៣ដែលបានសហការជាមួយក្រសួងដែនដី នគរូបនីយកម្ម និងសំណង់ ។
ថ្លែងនៅក្នុងពិធីសម្ភោធបើកការដ្ឋានសាងសង់នេះ លោក អាឡិច យ៉ាស៊ូម៉ូតូ សហស្ថាបនិកក្រុមហ៊ុនអារ៉ាខាវ៉ា បានថ្លែងថា លំនៅដ្ឋានបែបខុនដូនេះនឹងដាក់លក់ក្នុងតម្លៃចន្លោះពីជាង ២ម៉ឺន ទៅ ៣ដុល្លារ។
លោកបន្តថា “ការសាងសង់នេះ ក្នុងគោលបំណងឲ្យប្រជាជនកម្ពុជាដែលជាសិស្សនិស្សិតគូរស្វាមីភរិយាថ្មី និងបងប្អូនប្រជាពលរដ្ឋក្រីក្រ បើទោះជាពួកគាត់មានចំណូលទាប និងមធ្យម ក៏ដោយ ក៏អាចទិញលំនៅឋាន ខុនដូររបស់អារ៉ាខាវ៉ាបាន និងបានទទួលបទពិសោធន៍ជាម្ចាស់កម្មិសិទ្ធ និងរស់នៅសម្យរម្យ ក្នុងខុនដូរទំនើប កណ្តាលទីក្រុងភ្នំពេញហ្នឹងគេ។
លំនៅឋានអារ៉ាខាវ៉ា បែងចែកជាពីរដំណាក់កាលធំៗ ដោយក្នុងនោះ ដំណាក់កាលទី១ មាន១០អគារ ដែលមានប្រមាណជា២០០០ Units ដែលគ្រោងនឹងបញ្ចប់ក្នុងរយៈពេល២ ទៅ៣ឆ្នាំខាងមុខ។
ចំពោះលក្ខខណ្ឌសម្រាប់ប្រជាជនដែលមានបំណងចង់ទិញលំនៅដ្ឋាននេះ គឺក្រុមហ៊ុនមិនកំណត់ថាអតិថិជនជាអ្នកណាទេ ឲ្យតែអ្នកមានលទ្ធភាព អាចទិញបានទាំងអស់ ប៉ុន្តែលើកលែងអ្នកធ្វើវិនិយោគ ដែលទិញទុកលក់ឬជួលបន្តប៉ុណ្ណោះ។
លោកបន្តថា អតិថិជនមិនតម្រូវឲ្យបង់ប្រាក់កក់មុនឡើយ ប៉ុន្តែនៅពេលការសាងសង់បញ្ចប់ជាស្ថាពរ ក្រុមហ៊ុនតម្រូវឲ្យអតិថិជនបង់ប្រាក់ ៣០% និងអាចខ្ចីធនាគារដើម្បីបង់រំលស់រយៈពេល ១០ ទៅ ២០ឆ្នាំទៀតក៏បាន។
ដោយឡែក ក្រុមហ៊ុនស្នើអតិថិជនឲ្យបើកគណនេយ្យសន្សំប្រាក់ជាមុន យ៉ាងហោចណាស់ក៏សន្សំក្នុងកុងធនាគារចំនួន ៣០%នៃតម្លៃផ្ទះសរុបដែរ។ រីឯប្រាក់សន្សំទាំងនេះ ក្រុមហ៊ុនបានសន្យាថា នឹងមិនប៉ះពាល់ដាច់ខាត។
គួរកត់សម្គាល់ផងដែរថា គម្រោងលំនៅឋានអារ៉ាខាវ៉ានេះ នឹងបើកលក់ក្នុងរយៈពេល៣ ទៅ៦ខែ បន្ទាប់ពីការសម្ភោធបញ្ចុះបឋមសិលា បើកការដ្ឋានសាងសង់